مہمند ایجنسی میں آل فاٹا امن مشاعرے کا انعقاد
مہمند ایجنسی میں ڈائریکٹوریٹ آف سپورٹس اینڈ کلچر فاٹا سیکرٹریٹ کے تعاون سے آل فاٹا امن مشاعرہ منعقد کیا گیا ‘ جس میں معروف شعراء اور کثیر تعداد میں نوجوانوں اور علاقے کے عمائدین نے شرکت کی ‘غلنئی کے جرگہ ہال میں منعقدہ مشاعرے کی صدارت چارسدہ کے معروف شاعر حیات روغانی نے کی جبکہ معروف شاعر اور فنکار نعیم مخلص مہمان خصوصی تھے ‘ اس موقع پر شعراء نے اپنا کلام پیش کیا جس کی حاضرین نے دل کھول کر داد دی ‘ مشاعرے کے اختتام پر حیران مومند نے ایک قرارداد پیش کی جس میں پولیٹیکل انتظامیہ سے مطالبہ کیا گیا کہ غلنئی میں ایک کلچرل سنٹر قائم کیا جائے‘آخرمیں شعراء کو تحائف اور شیلڈز پیش کی گئیں ۔
