لوڈشیڈنگ کے باعث افطاری کے دسترخوان دریا کنارے سج گئے
خیبرپختونخوا کے ضلع سوات میں لوڈشیڈنگ کے ستائے روزہ داروں نے دریا کے کنارے افطاری کے دسترخوان سجا لئے ہیں, روزہ دار دریا کنارے کھانا تیار کرتے ہیں اور افطاری کا مزہ لیتے ہیں۔
سوات کے پرفضا مقام فضاگٹ پر دریا کنارے افطاری کیلئے آئے ہوئے مقامی افراد کے مطابق گھروں میں بجلی نہیں ہوتی اس لئے روزے کی حالت میں گرمی سے چھٹکارہ حاصل کرنے اور ٹھنڈی ہواؤں سے لطف اندوز ہونے کےلئے وہ افطاری کرنے کےلئے دریا کنارے آجاتے ہیں اور اپنے ساتھ افطاری کا سامان بھی لاتے ہیں کیونکہ دریا کے کنارے افطاری کا مزہ الگ ہی ہوتا ہے۔
بیشتر شہری دن بھردریائے سوات میں ڈبکیاں لگاتے ہیں اورعصر کی نماز کے بعد افطاری کےلئے پکوان تیار کرنا شروع کردیتے ہیں۔ کوئی تیار کھانا اپنے ساتھ گھر سے لاتا ہے تو کوئی باربی کیومیں مصورف نظر آتا ہے اور افطاری کے بعد خوشگوار موڈ میں واپس اپنے گھروں کو لوٹ جاتے ہیں۔
