سوات نے ملاکنڈ انٹر ڈسٹرکٹ فٹ بال ٹورنامنٹ جیت لیا
سوات کی ٹیم نے ملاکنڈ انٹر ڈسٹرکٹ فٹ بال ٹورنامنٹ جیت لیا ہے ‘ گزشتہ روز سوات کے کبل گراؤنڈ پر کھیلے گئے فائنل میں سوات کی ٹیم نے دیر لوئر کی ٹیم کو ایک کے مقابلے میں پانچ گول سے شکست دی‘اس ٹورنامنٹ کا اہتمام پاک فوج نے کیا تھاجس میں ملاکنڈ ڈویژن کی آٹھ ٹیموں نے حصہ لیا ‘ فائنل دیکھنے کے لئے آئے ہوئے ایک تماشائی نے ٹی این این سے بات چیت میں کہا کہ یہاں فٹ بال پر توجہ نہیں دی جاتی جو قابل افسوس امر ہے ‘ علاقے میں 85ٹیموں کے لئے ایک فٹ بال گراؤنڈ بھی نہیں ‘ اب بھی یہ ٹورنامنٹ گالف کے گراؤنڈ پر منعقد کیا گیاتھا ‘ اگر توجہ دی جائے تو سوات سے فٹ بال کے اچھے اچھے کھلاڑی سامنے آئیں گے ۔
