پاکستان کښي د وسلوالو خلاف بغيرد څه تفريق کارواياني رواني دي: خواجه آصف
د پاکستان وزير خارجه خواجه محمد آصف وئيلې دي چي پاکستان کښې د وسله والو په ضد د زيرو ټالرنس پاليسۍ لاندې بغير د څه فرق کولو کاروايانے روانے دي۔ د خارجه دفتر نه جاري شوې اعلاميه کښي وئيلې شوي چې خواجه آصف دغه خبرے تيره ورځ واشنګټن کښې د امريکے سټيټ سيکرټري ريکسن ټلرسن سره ملاقات کښې کړې دې۔ ملاقات کښې وزير خارجه وئيلې دي چې هم د بے فرقه کاروايانو له وجې پاکستان د بدامنۍ خلاف کاميابيانے حاصلوي۔ خواجه آصف دا هم وئيلې دي چې صرف د بد امنئ خلاف جنګ کښې پاکستان ته مالي نقصان نه دي شوي بلکه افغانستان کښي د ډيرے مودے راهسې خرابو حالاتو له وجې هم مونږ ته نقصان رسيدلې دې۔ بلخوا د ملاقات نه پس ميډيا سره خبرو کښې کښې ريکسن ټلرسن وئيلې دي چي امريکه پاکستان کښې د يو مضبوط حکومت خواهش لري او دوي ته يقين دې چې امريکې سره د پاکستان په شکل يو با اعتماده ملګرے موجود دې۔ ټلرسن د دوانړو ملکونو ترمينځه تعلقات د اهميت وړ بللې او وئيلې دي چي د جنوبي ايشيا له طرفه امريکې پاليسې کښې علاقائي تناظر کښې خبره شوې ده۔ بلخوا د افغانستان پخواني صدر حامد کرزئي وئيلې دي چي د افغانستان متعلق امريکے پاليسئ کښې د خطے لپاره د جنګ او خونريزۍ پيغام دې۔ برطانيئے نشرياتي ادارے سره خبرو کښې حامد کرزئي وئيلې دي چې دوي يقين لري چې د امريکې دې سياست کښي د سيمې خلاف څه سازش يا حکمت عملي پټه ده۔ حامد کرزئي زياته کړې چې پاکستان سره دوستي غواړي ولې پاکستان له هم افغانستان سره يو باعزته او خومختاره ملک په شان سلوک پکاردے۔
