د ګنداو ډيم تعميرځنډيدو له وجې د مهمند ايجنسې اولس د اوبو قحط سره مخامخ دي
مهمند ايجنسۍ کښې مزدورانو سيمه کښې د سيکورټې انديښنو له وجې ګنداو ډيم کښې د کار کولو نه انکار کړي دې چې له وجې ئې څلور کاله پس هم په دغه ډيم دوباره کار شروع نکړے شو۔ ګنداو ډيم کلونو راهسې د اوبو کمې ښکار دغه سيمې اولس د اوبو مسئلے ختمولو لپاره جوړيږي۔
د ډيم نه جوړيدو او ټيوب ويل په زريعه اوبه راويستو له وجې زمکه کښې د اوبو سطح خکته شوې چې له کبله ئې سيمه کښې د څکلو اوبۀ قحط شوې دي۔
څرګنده دې وي د پنځه څلويښت کروړه روپو په لګخت دغه ډيم پوره کيدو لپاره د کال دوه زره پينځلس ميعاد مقرر کړې شوې وو ولې کال دوه زره ديارلس کښې په ډيم حملې دوران د ټهيکيدار پشمول درې مزدورانو وژنې له وجې په دې کار بند کړې شوې دې۔ ولې حکومت لخوا سيمه کښې د امن بحالې روسته څلور کاله تيريدو نه پس هم دغه کار دوباره کار شروع نکړے شو۔
مقامې اولس ټې اين اين سره خبرو کښې وئيلي چي د غلنئ، بيزئي او خويزو تحصيلونو مختلفو سيمو کښې ټيوب ويلې کنښيستو له وجې زمکه کښې د اوبو ليول کم شوي او د قحط صورتحال دوران د دغه سيمو اولس اوبه په پيسو اغستلو او لرے ځيونو نه په راوړلو مجبوره دي۔
مقامي خلکو زياته کړي چې د صفا اوبو فراهمي په وعده دوي نه د ګنداو ډېم تعمير دپاره زمکه اغستې شوي وې ولې حکومت ورله د هغه زمکو معاوضه له تر اوسه نه ده ورکړې۔ د غلنئې تحصيل اوسيدونکې مياګل ترمخه حکومت د دۀ نه يو سل شپيتۀ کناله زمکه په انتهائي کم قيمت اغستې ده۔ هم دغه شان نيک محمد غوښتنه کړې ده چې د ډيم په جوړيدو به قريبا درې سوه خاندانونه بے کوره شي نو ځکه دي حکومت دوي ته د مناسب رهائش بندوبست اوکړي۔ دوي د حکومت نه د معاوضے په رقم کښې د زياتوالې غوښتنه هم کړې ده۔ مقامي خلکو د حکومت لخوا د ډيم تعمير په ځنډيدو خفګان څرګند کړې او وئيلې دي چې حکومت دې سيمه کښې د اوبو کمه وخت ختمولو لپاره په ډيم زر تر زره کار شروع کړې۔
په دې حقله د مهمند ايجنسئ اسسټنت پوليټيکل ايجنټ حميد الرحمان ټي اين اين ته وئيلې چې ټهيکيدارانو فاټا ډويلپمنټ اتهارټي نه په ډيم کار شروع کولو نه وړاندې قريبا دوه نيم کروړه روپو ايډوانس رقم غوښتنه کړې ده، د څه له وجې چې په ډيم کار اودرولې شوي دې۔ پوليټيکل ايجنټ زياته کړې چې په ډيم به زر ترزره کار شروع کړي شې، او د پراجيکټ په مکمليدو به قريبا يولاکه اولس ته د کال دوه زره شپيته پورے د څکلو صفا اوبه ترلاسه وي۔ پوليټېکل ايجنټ دا هم وئيلې دې چې حمله کښې د مړ شوې ټهيکيدار ځوي په دې اړه هائي کورټ کښې يو کيس هم دائر کړې دے۔
چارواکي زياته کړي ده چې حکومت لخوا تيرو څوکالو راهسې فاټا کښي د اوبو فراهمې په مختلفو سکيمونو دوه اربه پينځه ويشت کروړه روپۍ خرچ کړي ولې دومره خرچې باوجود هم له تر اوسه د اوبو په کمې قابو او نه موندې شوه۔
د فاټا ډويلپمنټ اتهارټے ايجنسي کوارډينيټرمحمد طارق خان ترمخه کال دوه زره ديارلس کښې په ګنداو ډيم د حملے دوران وسله والو د ډيم جوړولو آلات هم ځان سره اوړې دي۔ دۀ زياته کړې چې د ډيم په تعمير تر اوسه شل کروړه روپے خرچ کړې شوې دې او د يو کروړ اتيا لکهه نه زيات رقم د معاوضے په مد کښې متاثره قبائلي اولس له هم ورکړې شوې۔
مقامي قبائلي اولس د خيبر پښتونخوا ګورنر اقبال ظفر جهګړا او وفاقي حکومت نه غوښتنه کړې ده چې د اوبو کمې دا مسئله په مکمله توګه ختمولو لپاره دې په ګنداو ډيم زر تره د کار شروع کولو حکم جاري کړې۔
