دملاګوري آبادي څلور زره، د جينکو يو سکول هم نه لري
زاهد ملاګوري
د خيبر ايجنسئ ملاګوري پائنده للمي سيمه قريبا څلور زره آبادي لري ولي دلته د جينکو لپاره يو سکول هم نيشته چي له وجي ئي د سيمي په سوونو جينکئ د بنيادي زده کړو نه هم محرومه دي۔ ځائي اولس وائي چې دري کلوميټره لري تري نه سکولونه موجود دي خو دومره وس نه لري چي خپلو ماشومانو لونړو له د ټرانسپورټ بندوبست اوکي۔ دځائي مشرخوشحال خان په دې حقله وينه ده چې څه کلونه وړاندې پائنده للمه کښي د ملک حاجي شاه عالم په نوم جينکو دپاره يو کميونټي سکول جوړ کړے شوے وو چي پکښي به ځائي طالباتو زده کړي کولي خو له بده مرغه دغه سکول په کال دوه زره څوارلس کښي ختم کړے شو۔
خوشحال خان زياته کړي ده چي نورلس سوه اته نوي کښي ورسره حکومت معاهده کړې وه چي دا سکول به ورته مستقل کولي شي ولي دمستقل کولو په ځائي مکمل ختم کړے شوے دے۔
يو بل وقار احمد نومي ځوان ټي اين اين ته اووئيل چي دري کالو نه د سيمي يواځني د جينکو سکول بند پروت دے چي له وجي جينکئ زده کړو نه محرومه دي۔
د سکول ودانئ له زمکه ورکونکي زير الله ملاګوري په دې حقله وائي چې د سکول بنديدو او ماشومانو تعليم نه محرومه کيدو په اړه ئي څو واري ډائريکټرايجوکيشن فاټا او نورو متعلقه چارواکو ته ويناګاني کړي دي ولي اوسه پوري ورته چا پاملرنه اونکړه او سکول دغه شان بند پروت دے۔
ځائي خلقو د خيبرپښتونخوا ګورنر اقبال ظفرجهګړا، ډائريکټر ايجوکيشن فاټا هاشم آفريدي اود خيبرايجنسئ پوليټيکل ايجنټ نه غوښتنه کړي ده چي پائندي للمه کښي دي ورته دغه سکول دوباره کولاؤ کړے شي چي ماشومان ئي تعليم حاصل کړي۔
بل خوا خيبرايجنسئ کښي د کميونټي سکولونو استاذانو پخواني صدرمحمد صادق ټي اين اين ته وئيلي دي چي ددوي ايجنسئ کښي اوس صرف لس کميونټي سکولونه پاتي دي کوم به چي هم روانه مياشت کښي ختم کړے شي او ددغي سکولونو شل استاذان به مستقل کولو سره سرکاري سکولونو کښي تعينات کولي شي۔
څرګنده دي وي چي قبائلي سيمو کښي کال دوه زره دري کښي نهه نيم سوه کميونټي سکولونه کولاؤ کړے شوي وو د کومي مقصد چي دبدامنئ زپلي دغه سيمه کښي د تعليم شرح سيوا کول وو ولې اوس ددي منصوبي ختميدو سره به دغه مقصد نيمګړے پاتي شي۔
