چترال: يودماغي مريض لخوا د نبوت دعوي نه پس حالات ګډ وډ شوي
په چترال کښې يو دماغي مريض د نبوت دعوا کړي د کومي وروسته چي مقامي خلقو د ده د وژلو کوشش کړے دے۔ د مقامي خلقو ترمخه د جمعې د نمونځ په مهال د چترال سوراج سیمې اوسیدونکی دوه يشت کلن رشید نومې ځلمی وړومبي د پیغمبرۍ دعوا اوکړه او وروسته ئي د خلقو راپاريدو نه پس اووئيل چي ده نه غلطي اوشوه۔ وروسته د جومات امام دغه کس پوليسو ته حواله کړو د کومي وروسته چي قهرجن خلق د تهاني نه چاپيره شول او ګيټ ماتو کوشش ئي اوکړو او پوليسو باندي ئي کانړي او ويشتل۔ د راپاريدلي خلقو منتشر کولو د پاره پوليسو د آنسو ګيس ګولي او ويشتلي او هوائي ډزي ئي اوکړلي۔مظاهره چيانو غوښتنه کوله چي دا کس يا دي دوي ته حواله کړے شي او يا دے ورته پوليس په موقع سزا ورکړي۔دا لړئ د شپي ناوخته پوري چليدلي او موقعي ته دغه خلقو سره مزاکراتو د پاره ډپي کمشنر او ضلعي ناظم مغفرت شاه رارسيدلي ولي دوي ناکامه شوي او وروسته دوي سره د فرنټئير کور چارواکو خبري شروع کړي۔ د ضلعي انتظامي چارواکو صحافيانو ته وئيلي چي رشيد نومي دغه کس خلاف د توهين مذهب او ترهه ګرئ مقدمه درج کړي شوي ولي د دماغي توازن معلومه ولو دپاره ئي د ميډيکل بورډ جوړولو هم تجويز ورکړے شوے دے۔ د مقامي خلقو ترمخه دغه کس قطر دوحه کښې مزدوري کوله او د ذهني توازن خرابيدو له وجي ورته پاکستاني کسانو چنده کړي وه او ملک ته ئي راليګلي وو، دوي زياته کړي ده چي دا کس پاګل دے۔
