راؤ انوار په ضد د پښتون طلبا تنظیم مظاهره کوونکې خپل مينځ کښې انښتي
پيښور کښې پښتون سټوډنټس فيډريشن کراچئ کښې وژلي شوي د جنوبي وزيرستان نقيب الله محسود د قتل پرضد احتجاجي مظاهره کړي ده۔ نن د پي ايس ايف کارکنان د ګورنمنټ کالج چوک سره راجمع شوي وو او د پيښور پريس کلب پوري ريلي هم ويستي ده۔ په دي موقع مظاهرينو د سنده پوليس او مليرضلعي پخواني ايس ايس پي راؤ انوار خلاف نعري وهلي۔ د مظاهره چيانو وينا وه چي د سنده پوليس دي بے ګناه کسانو قتل عام بند کړي او د راؤ انوار ټولي جعلي مقابلو په اړه دي جوډيشل کميشن جوړولو سره راؤ انوار ته پهانسي هم ورکړے شي ۔ ټي اين اين سره خبرو کښې د پي ايس ايف پيښور سينئرنائب صدر امتياز خان اووئيل۔
” د پښتنو قتل عام شروع دے او څوک د پوښتني نشته دے نو دي باره کښې مونږ ټول طلبا راوتي يو، مونږ مطالبه کوو چي پخواني ايس ايس پي راؤ انوار ته دي پهانسي ميلاؤ شي دا شان به ټولو خلقو ته يو سبق ميلاؤ شي او راتلونکي وخت کښې به پښتون قوم او د پښتونو بچو سره څوک هم زياتي نه کوي”
احتجاج ختميدو په وخت د پي ايس ايف کارکنانو خپل مينځ کښې انښته هم شوي چي پکښې هوائي ډزي شوي دي۔ انښته کښې سب انسپکټر ظفر خان هم زخمي شوے دے ولي پوليس رارسيدو سره دري طالبعلمان نيولي دي۔
