بلوچستان کښي بارانونو له وجي پنځلس نه زيات کسان مړه شوي دي
دوویشتمي جنورئ څخه تر څلریشت جنورئ پوري شوي بارانونو او واوري له کبله په صوبه بلوچستان کښي پنځلس نه زیات کسان مړه او شلونه زیات ژوبل شوي دي۔
د بارانونو او واوري له وجي په شیراني ، کوئټه ،قلعه عبدالله او مستونګ کښي په سلګونو کورونه متاثره شوي دي۔ د بارانونو له کبله را مینځ ته شوي مختلفو پیښو او کچا کورونو چھتونو را پریوتو له وجي په صوبه کښي پنځلس نه زیات کسان مړه او شل نه سيوا ژوبل شوي دي۔ بل خوا د پی ډی ایم اے لخوا متاثره شوي علاقو ته خیمي کمبلے او خواراکي توکي لیږل شوي دي،
د پی ډی ایم اے صوبائي وزیر سرفراز بګټي له ټی این این سره په خبرو کښي وو وئیل۔
“دي بارانونو له وجي زمونږ دري ډويژنونه متاثره شوي وو چي پکښي کوئټه، ژوب او قلات شامل دي، پي ډي ايم اے خپل نورو ملګرو ادارو سره په شريکه دغه سيمو کښي امدادي هلي ځلي شروع کړي چرته چرته چي سړکونه وو هلته مو دغي په ذريعه سامان اوويشلو او چي کوم ځائي ضرورت وو نو هلته مو هيلي کاپټر په مدد خلقو سره مرستي اوکړي”
دے نه علاوه په غرونو باندي پرتے واوري له وجي د کوئټي په یخني کښي ھم زیاتوالي راغلي دے او بل خوا په مختلفو علاقو کښي ګیس پریشر کښي د کمي له وجي اولس له مشکلات سره مخ دے۔
